Покрај редовните тренинзи, ракометниот клуб Алкалоид ја темпира формата за новата сезона и со одигрување на пријателски натпревари.

А играчите предводени од тренерот Кирил Лазаров ова лето само редат победи.

Екипата која минатата сезона го освои ЕХФ Европскиот куп славеше и во петтиот контролен меч овојпат против РК Слован Љубљана со 31:30.

Иако после првото полувреме Словенците имаа предност од „плус четири“ голови разлика, македонската екипа во вториот дел направи целосен пресврт.

Во претходните тест дуели РК Алкалоид оствари победи и над РК Прилеп, РК Дубочица од Србија, РК Сесвете од Хрватска и РК Целје од Словенија.

За тимот на Лазаров следува нов пријателски меч против РК Шкофја Лока, исто така во Словенија, во рамки на Меморијалот „Јоже Шилец“.