Петриќ: Рајн Некар е огромен предизвик и ќе бидат 120 минути тешка борба
Играчите на ракометниот клуб Вардар 1961 успеаја да го освојат струшкиот турнир и потврдат дека се наоѓаат во добра форма пред двомечот од квалификациите за ЕХФ Европската лига против Рајн Некар Левен од Германија.
Препорачано
Скопските „црвено-црни“ ќе бидат домаќини на првиот натпревар на 26 август во 19.00 часот во СЦ „Јане Сандански“. Билетите за овој меч се пуштени во продажба, повеќе информации ТУКА
Младиот српски репрезентативец Стефан Петриќ, талентираниот лев бек на Вардар за официјалниот сајт на ЕХФ ги сподели очекувањата во пресрет на дуелите против бундеслигашкиот гигант.
– Не можевме да посакаме потежок противник на жрепката, но Вардар 1961 е навикнат да им пркоси на шансите и никој не очекуваше овој клуб да ја освои Лигата на шампионите, но тоа го направи, не еднаш туку двапати. Иако квалитетот на тимот сега не е на тоа ниво, тоа е огромен предизвик за нас и ќе бидат 120 минути тешка борба, бидејќи се надеваме и веруваме во нашите квалитети – изјави Петриќ.
Доколку играчите на Владо Недановски го елиминираат Рајн Некар, во новата сезона од ЕХФ Европската лига ќе бидат во групата „А“ заедно со Нант, Кристијанштад и Бенфика.
