Петковски (22), кој воедно е и поранешен играч на Вардар, веќе тренира и игра контролни мечеви со евентуалните нови тимски колеги на Гил Висенте.

Минатата сезона за седмопласираниот Работнички во Првата македонска лига постигна 13 голови во 34 официјални средби.

Гил Висенте е тим кој што настапува во најсилната португалска лига, а во неа е уште еден Македонец, Стефан Ристовски кој ги брани боите на Спортинг Лисабон.

На веб страницата на португалската лига Петковски се наоѓа во ростерот на Гил Висенте кој пак наскоро би требало и официјално да го промовира.

Неколку фудбалски надежи на нашата земја направија многу добри странски трансфери, претходно Елиф Елмас потпиша за Наполи, а Влатко Стојановски го засили францускиот Ним.