Петгодишно дете од Велес попладнево околу 15 часот било удрено од автомобил на улица во градот, по што итно е префрлено во болница со тешки повреди на главата. Инцидентот, според МИА, се случил кај велешкиот „Младински парк“. Од велешката болница велат дека момчето било пренесено во Ургентниот центар.

Д-р Ванчо Граматов, портпарол на болницата, вели на детето му биле направени сите неопходни медицински прегледи, како и рентгенски снимања и томографија, при што биле констатирани тешки повреди на главата.

Поради тежината на повредите, петгодишното момче е итно пренесено во скопскиот Клинички центар.