Пет причини зошто некои жени плачат за време на секс
Иако плачењето обично се смета како знак на тага, во реалноста, вашето тело само реагира бурно на различни емоции. Тоа значи дека плачењето за време на секс, не треба да е чудно и срамно, пишува „Воменс хелт“(Women’s health).
Препорачано
Експертите ни ги одвојуваат петте најчести причини, зошто интимните односи со партнерот ја поттикнуваат жената некогаш да заплаче.
Се соочувате со хормонални промени
Без разлика дали жената има менструација, подложена е на третман за забременување или веќе е бремена, хормоналните промени може да предизвикаат бурни емоции кои ќе ја доведат до плачење. Меѓутоа, тоа не треба да ги обесхрабри, треба да бидат искрени со својот партнер за нивните промени во телото и да продолжат да уживаат во интимните моменти.
Се чувствувате релаксирано
Доколку подолг период сте под стрес и притисок, добриот секс целосно ќе ве опушти.Тоа доведува целата насобрана тензична енергија да излезе на виделина и да започнете да плачете. Експертите оваа ситуација ја споредуваат и со примери каде може да заплачете за време на релаксирачка масажа или часови по јога.
Имате силни чувства кон партнерот
Доколку имате силни и искрени чувства кон партнерот, сексот го доживувате на посебен начин, па преку плачењето ги канализирате своите емоции. Експертите велат дека е ова нормална појава, бидејќи при сексуален однос се ослободува окситоцин, хормон кој промовира поврзување, доверба и емпатија меѓу парнерите.
Се чувствувате засрамено или виновно
Секс-експеритите забележале дека многу жени се чувствуваат засрамено или виновно доколку уживаат во интимни односи со својот партнер, мислејќи дека тоа задоволство не го заслужуваат. Најчестата причина за ваква ситуација е мајчинството, обврските во домаќинството и кариерата. Не дозволувајте да се чувствувате засрамено, опуштете се и уживајте во интимните моменти со партнерот.
Чувствувате болки за време на сексуалниот однос
Доколку плачете затоа што имате болен секс, тоа мора да го споделите со парнерот. Во договор со парнерот може да се применат лубриканти, полесни пози и понежен однос, за да го избегнете болниот секс. Но, доколку ова ви се случува често, може да е знак дека се соочувате со некоја здравствена состојба, како ендометриоза, инфекција или карлична болест. Експертите и гинеколозите во вакви ситуации, советуваат да се прекинат интимните односи и што поскоро да се преземат мерки за решавање на здравствениот проблем.
