Изненадувачки денес оставка од селекторската позиција на клупата на поднесе Роберто Манчини, па „Аѕурите“ сега се во потрага по нов предводник.

Под водство на Манчини Италија го освои Европското првенство пред две лета, но и доживеа елиминација од Македонија во баражот за Мундијалот во Катар. Од тој момент Италија не игра баш најдобро, па беше поразена и од Англија во квалификациите.

Заминувањето на Манчини дојде неочекувано на неполн месец пред натпреварот против Македонија на 9. септември. Во италијанските медиуми веќе се споменуваат имињата на кандидатите за нов селектор.

Во потесниот круг наводно се Антонио Конте и Лучијано Спалети кој е без ангажман откако на Наполи му го донесе Скудетото минатата сезона по пауза од 33 години. Конте од друга страна веќе беше селектор на Италија од 2014. до 2016 . година.

Покрај Конте и Спалети кои важат за фаворити „Скај Спорт“ ги споменува имињата на Фабио Канаваро, Џенаро Гатузи и Даниеле Де Роси.