Неколку жени, претежно во 70-тите години, редовно се искачуваат по швајцарските планини. Тие знаат дека рекордната топлина и напорот се закана за нивното здравје, но не планираат да дозволат тоа да им го ограничи животот, пишува Гардијан.

„Јас сум планинарка. Можам да се справам со ова“, рече 73-годишната Пиа Холенштајн.

Членовите на КлимаСениоринен, не се оние активсти на кои повеќето луѓе прво помислуваат кога зборуваат за оние кои се во првите редови на климатската криза. 2.400 членови на групата живеат во една од најбогатите земји на Земјата. Поради нивната возраст – најмладиот има 64 години – тие ќе бидат сведоци на само мал дел од екстремните временски услови што ќе ги видат децата и внуците на нивната генерација.

Но, овие пензионери се меѓу оние кои најтешко се борат за животната иднина. Жените ја тужат швајцарската влада пред највисокиот европски суд за кршење на нивните човекови права со политики што прават премалку за да ја спречат планетата да се затоплува. Топлотните бранови стануваат се пожешки бидејќи луѓето согоруваат фосилни горива. А жените, особено постарите, имаат поголема веројатност да умрат кога температурите се зголемуваат.

„Кога ме замолија да се приклучам, мислев дека швајцарската политика е безнадежна“, рече Холенштајн, пензионирана медицинска сестра и поранешен член на парламентот од партијата на Зелените. „Но, ова е важен лост“.

Горештините убиле 70.000 луѓе ширум Европа минатата година, според најновата анализа на податоците за опасностите од високата температурата, а бројот на загинати оваа година, најжешката досега, може да се покаже уште поголем број на смртни случаи.

„Врз основа на тековните докази од епидемиолошките студии, постарите жени се особено ранливи на топлина“, рече Ана Вицедо-Кабрера, која го води тимот за клима и здравје на Институтот за социјална и превентивна медицина на Универзитетот во Берн. „Причините зошто се нејасни“, рече таа, но „промените во кардиоваскуларниот систем поради менопаузата или фактот дека постарите жени имаат тенденција да бидат поактивни од мажите се предложени како потенцијални причини“.

Во таа смисла, случајот што го покрена КлимаСениоринен е стратешки. Прво предложено пред една деценија од страна на активистите од Гринпис, се справува со прашање што ги спречи климатските судски спорови ширум светот: бидејќи климатската криза ги повредува сите, наместо да цели кон одредена личност или група, судовите би биле преоптоварени ако го признаат секој покренат случај од поединци против големите загадувачи.

По долгогодишни неуспеси во регионалните и националните судови, кои го отфрлија случајот на процедурални основи, КлимаСениоринен го поднесе својот случај пред Европскиот суд за човекови права. Судот претходно не донесе одлука за владините мерки за климата, но ќе го сослуша швајцарскиот случај заедно со слични случаи на француски градоначалник и неколку португалски тинејџери на почетокот на следната година. Резултатите ќе ја отворат вратата за случаи во други земји доколку владите ширум Европа не ги почитуваат пресудите.