Пецов: Македонија ЃП ќе излезе од кризата, одиме на победа на секој натпревар
Лошиот влез во новата натпреварувачка сезона на тимот на Македонија Ѓорче Петров може да се толкува од повеќе аспекти.
Препорачано
Исклучително тешкиот распоред, во кој „Лавовите“ од Ѓорче Петров имаа задача да се спротивстават на Струга ТЛ, Шкендија, Силекс, неколку повредени фудбалери и нерегистрираните странци.
Сепак, во Македонија ЃП, во ниту еден од овие факти не бараат алиби за поразите, туку гледаат само напред.
Во четвртото коло од Првата лига, во Ѓорче Петров денеска гостува Пелистер од 16.30 часот
– Лошо почнавме, тука нема збор. Повреди, тежок распоред, но тоа не е причина сега да бараме алиби и да зборуваме за тоа што поминало. Ние како тим, верувајте, на секој меч одиме на победа. Така ќе биде и денеска. Респект за противникот, Пелистер е квалитетна екипа, но за нас денеска постои само една опција. А, тоа се трите бода – вели фудбалерот на Македонија ЃП, Христијан Пецов.
