Селекторот на македонската женска сениорска одбојкарска репрезентација, Стефан Пауновиќ го објави поширокиот список на одбојкарки на кои ќе смета за престојните настапи во Сребрената Европска лига 2025 и квалификациските натпревари со Грција и Австрија за Европското првенство 2026.

На поширокиот список на предводникот на сениорките се најдоа 24 одбојкарки, од кои шест интернационалки, додека останатите репрезентативки настапуваат за најдобрите три домашни клубови во моментов Работнички Скопје, Јанта Волеј КВ и Наковски Волеј, како и Марија Лазарова од Струмица жени и капитенот на репрезентацијата, либерото Емилија Попјордановска, која го носеше дресот на Газели Волеј сезонава.

Пауновиќ и неговиот асистент, стратегот на Работнички Скопје Душко Деспотовски во текот на следната недела ќе го објават и потесниот список на одбојкарки, кои на 15 мај треба да се појават на првиот собир на репрезентацијата во хотелот „Горан Пандев“ во Струмица.

Поширок за список на женска сениорска одбојкарска репрезентација на Македонија:

Техничар: Ерјона Јонузи, Софија Ричлиева, Софија Пандева, Јана Балов
Коректор: Мила Дикова, Мери Бошковска, Андротеа Милевска

Коректор/примач: Антонија Баталаковска, Ана Фасулева
Примач: Тамара Стојанова, Теа Терзиевска, Ана Ѓорѓиевска, Лилјана Ковачевиќ, Добрина Хаџитошева, Бојана Маројевиќ, Мила Долдурова

Среден блокер: Марија Василевска, Ана Павловска, Марија Лазарова, Симона Стојановска, Ивана Стојковска
Либеро: Емилија Попјордановска, Надица Антеска, Фросина Трајковска