фото: EPA-EFE/FILIP SINGER

Патрик Шик потпиша нов договор со Баер Леверкузен

Фудбалерот на Баер Леверкузен, Патрик Шик (29) официјално го продолжи договорот со германскиот клуб до 2030 година.

– Многу сум благодарен што покажавте доверба во мене со продолжувањето на мојот договор и со доделувањето на оваа одговорност. Не сакам никого да разочарам, но сакам да ви ја вратам довербата со моите настапи на теренот – рече Шик, како што објави клубот преку социјалната мрежа X.

Шик (29) пристигна во Баер Леверкузен во 2020 година од Рома, а оттогаш одигра вкупно 168 натпревари и постигна 81 гол за клубот од Леверкузен.

Чешкиот напаѓач со клубот во сезоната 2023-24 ги освои Бундеслигата, националниот куп и Суперкупот на Германија.

– Ми се допаѓа фокусот на иднината. Баер работи напорно за да изгради врвен тим за годините што доаѓаат. Цврсто верувам дека ќе продолжиме да играме важна улога во Бундеслигата и во Европа – вели Шик.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот