Стенкањето е знак дека сè оди како што треба, дека владее задоволство и дека партнерите меѓусебно се водат до кулминација. Ова е најчестата реакција која се јавува за време на сексот, иако има поединци кои намерно малку повеќе го нагласуваат стенкањето со цел задоволството да биде уште поинтензивно. Нема ништо лошо во тоа, вели д-р Лори Минц, сексуален терапевт и авторка на книгата „Becoming Cliterate“.

„Една студија покажа дека колку подлабоко го доживувате сексуалното искуство, толку ќе ви биде потешко да ги потиснете звуците. Вашето стенкање во тие моменти служи за зголемување на вашето возбудување. Добриот секс делува како ослободување, а гласното стенкање е дел од тој процес“, објаснила таа.

„Кога жената стенка за време на водењето љубов, грлото се отвора, дишењето се забавува, а мускулите на дното на карлицата се опуштаат. Ова може да доведе до неверојатен оргазам“, додала д-р Лори Минц.

Сепак, постојат луѓе кои не се гласни за време на сексот. Тие се тивки и немаат гласни воздишки и стенкања – и тоа е сосема во ред.

„Гласните звуци им помагаат на некои луѓе да се возбудат и да доживеат задоволство, додека на други тоа им пречи. Понекогаш гласното стенкање, па дури и врескањето, му одговара на моменталното расположение. Но, понекогаш луѓето сакаат да уживаат во тивок секс. Важно е да го правите она што прави да се чувствувате добро“, вели Никол Бурати, експертка за секс и љубовни врски.

„Обидете се да стенкате гласно кога сте сами“

„Искрено, тоа е нешто што го препорачувам. Обидете се да стенкате гласно кога сте сами. Следниот пат кога ќе мастурбирате, дозволете си да стенкате гласно. Започнете со длабок здив, а потоа пуштете го воздухот полека и воздивнете за да можете да го слушнете. Обрнете внимание како тоа влијае на сексуалното искуство“, вели Бурати.

Како што вели таа, искрениот разговор со партнерот е многу важен.

„Исто така, обидете се да разговарате за тоа со вашиот партнер и обидете се заедно да водите љубов погласно. Имајте на ум дека јачината на стенкањето за време на сексот варира од личност до личност и не постои универзално правило за тоа. Затоа е важно да обрнете внимание на сопственото искуство и да го извлечете најдоброто од него. Важно е да се опуштите и да се препуштите на задоволството“, советува експертката.