Ракометниот клуб Партизан планира да направи состав кој ќе биде конкурентен за шампионската титула следната сезона во Србија.

Белградските „црвено-бели“ имаат листа на играчи кои сакаат да ги ангажираат, а меѓу нив е и македонското лево крило Бојан Маџовски.

Маџовски кој има и настапи за нашата најдобра репрезентација, ги бранеше боите на Металург и Еурофарм Пелистер.

Минатото лето ја напушти Македонија, го играше првиот дел од сезоната во црногорскиот шампион Ловќен, а на почетокот од годинава го напушти Цетиње и оттогаш е без ангажман.

Тренерот на Партизан, Ѓорѓе Чирковиќ своевремено работеше во Битола, па е запознаен со квалитетите на искусното крило.