ЈП „Градски паркинг“ заедно со екипите на ЈП „Комунална хигиена“ започнаа акција за генерално есенско чистење на сите затворени и зонски паркиралишта со кои стопанисува претпријатието.

Од паркиралиштата се чисти ѓубрето и паднатите лисја, деновиве на паркинзите во општина Центар, според однапред подготвен акциски план и распоред.

Акцијата за редовно одржување на хигиената со чистење на сите јавни паркиралишта со кои стопанисува ЈП „Градски паркинг“, ќе трае една недела, а во почетокот на месец декември, ќе се спроведе уште една акција на генерално чистење, кадешто ќе бидат опфатени и зонските паркиралишта во Аеродром – информираат од претпријатието.