По петочната ждрепка за групите во ракометната Лигата на шампионите, клубот Пари Сен Жермен преку својата интеренет страница меѓу другото коментира и за македонскиот шампион Еурофарм Пелистер, анализирајќи ја Групата Б.

Трета сезона по ред францускиот и македонскиот шампион се во иста група и скрот е 4-0 за ПСЖ. Претстојната сезона за Еурофарм Пелистер стартува во Битола во дуел со ПСЖ (10/11 септември).

– Откако значително напредуваа во претходните две учества, нема сомнение дека Македонците сега се стремат кон обезбедување место во плејофот. Така ПСЖ го очекува нова „стапица“ следната сезона и ќе мора да биде сериозен за да ја продолжи серијата од четири победи – вели официјалното гласило на „светците“.

Минатата сезона пелистерци гостуваа кај ПСЖ во првото коло и изгубија со два гола негатива (31-29).

Во истата Група Б за претстојната сезона се и 12-кратниот рекорден шампион Барселона и актуелниот првак Магдебург.

ЛШ: Еурофарм Пелистер на стартот против ПСЖ според првичниот распоред