Кошаркарите на Црн Дрим Грин мобиле славеа голема победа, како гости беа подобри од гевгелиски Кожув (80:83), и поведоа со 1:0 во плеј-аут серијата за опстанок во друштвото на најдобрите.

Натпревар во кој за победничката екипа искусниот Пантиќ застана на 28 поени и осум скока, Стаменковиќ имаше „дабл-дабл“ учинок од 19 поени и 11 скока, а двоцифрен број на поени кај стартерите имаа и Сколовиќ (14) и Жоао Марсело (13).

Скот беше одличен кај Кожув, покрај 22 реализирани поени, додаде и девет асистенции и шест скока.

Пајиќ реализираше 19, Чампара имаше 14, Петров уште 11 коша за домашниот состав кој сега е многу блиску до испаѓање од Првата лига.

Стружани доколку победат за два дена на домашен терен, ќе останат во прволигашкото друштво..