Вест на денот во српската кошарка, покрај скандалот со наместени натпревари е и новиот договор на миленикот на „Гробари“, Кевин Пантер.

Се поврзуваше Пантер на големо со трансфер во Барселона која му нудеше 1.6 милиони евра по сезона за двегодишен договор, но сепак тоа не беше доволно Американецот да ги напушти црно-белите. Според информациите на српските медиуми договорот на Пантер со Партизан финансиски е послаб од понудата на Барселона.

Here to stay. @KPJunior_ ?? pic.twitter.com/ARJc01d39p

— Ostoja Mijailovic (@Ostoja1945) June 29, 2023

Во редовите на Партизан, Пантер пристигна пред две години, а пред почетокот на минатата сезона ја доби капитенската лента и го предводеше тимот до најдобрите осум во Евролигата и титулата во АБА-лигата.

За разлика од Пантер, претходно си замина Матијас Лесор кој потпиша со Панатинаикос каде што веројатно ќе се пресели и грчкиот репрезентативец Папатеру. Неизвесна е и иднината на Зек Ледеј и Данте Егзум за кои постои интерес од повеќе клубови.