Горан Пандев открива дека Интер му понудил шестмесечен договор, а потоа откако ќе ги остави копачките, да седне во една од директорските позиции но екипата.

– Ми се јави Ауизилио, а јас му реков да не се шегува со мене. Му реков не, барајте некој помлад, јас го одработив моето. Зборував и со Џенова, тука сакаат да останам. И покрај сè, секогаш ќе му бидам благодарен на Интер. За мене Интер е сè, екипата која ме донесе во Италија и која ми го промени животот. Екипата со која освоив најмногу. Точно се случија некои работи, но мојата намера и на моето семејство е јасна, уште од кога дојдовме овде. Точно дека имав малку тешкотии овде од почетокот, но секогаш верував во моите квалитети и сакав да им докажам на луѓето дека можам – вели Пандев.

Пандев беше дел од тимот на Интер кој во 2010 година ја освои тројната круна, Серија А, Купот на Италија и Лигата на шампионите. Македонскиот репрезентативец имаше голем удел во освојувањето на овие трофеи, а тоа го подоцна го призна и тогашниот тренер Жозе Мурињо кој тврдеше дека во Пандев имаше играч кој можеше да одговори на секоја негова замисла и да игра на секоја позиција.

Пандев планираше да крајот од сезонава да стави крај на големата фудбалска кариера, но одложувањето на Европското првенство поради пандемијата на коронавирусот, го натера на промена на планот. Македонија има шанса преку плејофот во Лигата на Нациите да обезбеди пласман на ЕП, доколку прво во полуфиналето биде подобра од Косово, а во финалето го совлада и победникот од второто полуфинале кое се игра помеѓу Белорусија и Грузија.

– Сакав да ја спасам Џенова од Македонија и да се пласирам на ЕП со Македонија, но оваа трагедија со коронавирусот смени буквално се. Дефинитивно, сакам да играм уште една година – додава Пандев, кој во интервјуто открива една работа која нема да ја прави по завршување на кариерата.

– Во едно сум сигурен, никогаш нема да бидам тренер. Размислував на оваа тема, но мислам дека подобро ќе се снајдам во некоја извршна функција во управата на клубовите.