Ѕвездата на култната серија „Чувари на плажата“, 57-годишната актерка Памела Андерсон откри дека непознат маж ја нападнал во авион. Имено, Памела во подкаст се присетила колку била исплашена и буквално мислела дека ќе умре тој ден, пренесуваат странските медиуми.

Целата непријатна ситуација се случила, бидејќи непознатиот маж ја помешал со член на кантри бендот „Дикси Чик“.

„Еден човек бесно ми пријде и ми рече: ‘Знаеш ли што направи оваа земја за тебе, а што правиш ти?’ Си помислив: ‘О, Боже, што направив?’ И тогаш го погледнав и тој почна да вика по мене“, раскажала Памела.

„Стјуардесата мораше да го врзе со лисици на седиштето бидејќи се обидуваше да ме нападне. Да. И заврши, мислеше дека сум член на бендот ‘Дикси Чик’. Се сеќавате на таа нивна песна? За малку ќе умрев во авионот. Тоа беше близок повик. Искрено, се плашев да летам после тоа!“, се присетила Памела.

Холивудската ѕвезда зборуваше за овој немил настан во подкастот „Среќен, сега збунет“, но не прецизираше кога се случил инцидентот.

Медиумите шпекулираат дека тоа било во 2003 година и се повикуваат на фактот дека членката на бендот, Натали Мејнс во тоа време предизвикала голем скандал кога го осудила тогашниот претседател Џорџ Буш и инвазијата на Ирак.

Мејнс ова го кажа јавно на концерт во Лондон, а подоцна се извини, па ги повтори обвинувањата, со коментар: „Се извинив што не ја почитував функцијата на претседателот. Но, повеќе не се чувствувам така. Не чувствувам дека му должам никаква почит“.

Памела Андерсон искрено за менталното здравје: „Живеев во ‘магла’, со децении се борев со депресија“