Пакистан е подготвен за разговори со Индија, но тие разговори не му се очајно потребни, изјави денес пакистанскиот министер за надворешни работи Ишак Дар, пренесува Ројтерс.

„Подготвени сме, секогаш кога ќе побараат дијалог, на кое било ниво. Подготвени сме, но не ни е очајно потребен“, рече Дар на прес-конференција во Исламабад.

Дар рече дека Пакистан сака сеопфатен дијалог за низа прашања, додека Индија сака да се фокусира само на тероризмот.