Многу брзо по елиминацијата на Каспер Руд кој беше втор носител на турнирот елиминиран е и Александар Зверев.

Зверев е веќе трет фаворит кој го завршува настапот затоа што пред два дена турнирот го заврши и Рафаел Надал во второто коло. Тука може да се додаде и елиминацијата на Тејлор Фриц од Алексеј Попирин што секако е уште едно изненадување.

Зверев беше поразен од 107. тенисер на АТП листата Мајкл Мо.

Очигледно на Зверев му е потребно време да се врати во форма по повредата која ја заработи на Ролан Гарос. Ваквата ситуација секако е добра вест за Новак Ѓоковиќ кој сега има многу поголеми шанси да стигне до 10-тата титула во Мелбурн, посебно ако се суди по неговиот настап во првото коло.