Првото тримесечје од 2020 година во земјава забележа пад во откупот и продажбата на земјоделски производи во земјава, што изнесува за 2,9 отсто помалку во споредба со претходната година.

Годинава откупени и продадени се земјоделски производи во вкупна вредност од  4,29 милијарди денари.

Според податоците на Државниот завод за статистика, кај откупот на земјоделски производи од индивидуалните производители е забележано намалување за 5,1 отсто, а кај продажбата на земјоделски производи од сопствено производство има зголемување за 3,1 отсто.

Зголемување на откупот и продажбата на земјоделски производи е забележано кај овошјето и млечните производи, а намалување има кај житата, индустриските растенија, градинарските растенија, фуражните растенија, грозјето, алкохолните пијалаци, добитокот, живината и јајцата, млекото и рибата.