Триесет и шестгодишниот Димитар Спасов кој во вторникот со стаклено шише смртно го прободе својот цимер од психијатриската болница „Бардовци“ е спроведен во „Шутка“, во посебно одделение, изолиран од останатите притвореници, пишува Скопје1.

Пред бруталниот и смртоносен напад со стаклено шише врз 62-годишниот пациент, Спасов подолго време можел да се забележи низ Ѓорче Петров, што укажува на тоа дека слободно и без надзор ја напуштал установата.

Осомничениот имал активни профили на социјалните мрежи, каде споделувал насилни снимки и повикувал на тепачки. Според сведоци, во болницата кон вработените и пациентите упатувал закани, малтретирал, а во објектот имало и алкохол.

Димитар Спасов веќе бил осуден за „убиство“, откако во 2012 година, на 23-годишна возраст ја убил својата мајка, по што со одлука на Велешкиот суд, психијатри од Клиничкиот центар во Скопје го прогласиле за непресметлив и го сместиле во „Бардовци“.

Осуденик од психијатриската болница „Бардовци“ починал откако бил прободен со стаклено шише