Ловоровиот лист е препознатлив по својата специфична арома, па многумина сакаат да го користат при готвење, но помалку е познато дека е исто така природен лек кој има антиинфламаторно и антисептично дејство.

Лисјата на ова растение се богати со разни минерали (калиум, бакар, манган, калциум, железо, цинк, магнезиум, селен) и витамини од групата Б кои се важни за метаболизмот, хормоналната рамнотежа и нормалното функционирање на нервите и мускулите. Затоа ловоров лист се користи во третман на дигестивни и кардиоваскуларни нарушувања, гихт и ревматизам, како и нервоза и несоница, пренесува Ординација.хр.

Есенцијалното масло од ловор може да се користи за инхалации, како и за дезинфекција на областа во сезоната на настинки и вируси. Но, особено интересни се сирупот од чај и ловоров лист, кој е добар за расчистување на дишните патишта, за ублажување на кашлицата, болки во грлото и бронхитис, како и за зајакнување на имунитетниот систем.

Подготовка:

За една чаша чај, доволно се три свежи или суви ловорови листа искинати на помали парчиња. Истурете 2,5 dcl вода и варете 10 минути. Тргнете го од оган и оставете го покриен 10 минути и процедете. Во чајот можете да додадете мед или лимон, а се препорачува да пиете две до три чаши чај на ден.