Дознајте кои намирници се најхранливи и како може да му потпомогнат на здравјето на вашето тело.

Изборот на храна е важен за целокупното здравје. Намирниците богати со хранливи материи вклучуваат корисни микро и макронутриенти, како што се витамини, минерали, протеини, влакна и здрави масти, како што се омега-3 масните киселини.

Еве кои намирници се најхранливи и како го поддржуваат вашето здравје:

1. Лосос

Мрсната риба, како лососот, е богата со омега-3 масни киселини. Тоа се есенцијални хранливи материи, што значи дека можете да ги добиете само од храната. На секоја клетка во вашето тело му требаат омега-3 масни киселини. Тие се неопходни за правилно функционирање на:

– мозокот

– очите

–  срцето

–  крвните садови

–  белите дробови

–  имунолошкиот систем

–  ендокриниот систем

Порција од 100 грама див атлантски лосос содржи околу 2,2 грама омега-3 и 25,4 грама висококвалитетни животински протеини. Исто така, обезбедува магнезиум, калиум, селен и витамини од групата Б.

Лососот е вкусен, лесен за подготовка и заситува со релативно малку калории. Кога купувате риба, проверете дали доаѓа од одржливи извори.

2. Сардини

Сардините се мали, мрсни риби кои се јадат цели, вклучувајќи ги органите, коските и другите хранливи делови. Тие ја содржат речиси секоја хранлива материја што му е потребна на телото. Како и другите мрсни риби, сардините се богати со омега-3 масни киселини, добри за срцето. Покрај тоа, имаат ниско ниво на жива во споредба со поголемите риби.

3. Кељ

Кељот е зелен, лиснат зеленчук богат со витамини, минерали, влакна, антиоксиданси и разни биоактивни соединенија. Според истражувањата, растителните соединенија во кељот помагаат во борбата против ракот. Обезбедува витамин Ц, А, К, Б6, калиум, калциум, магнезиум, бакар и манган, а една шолја содржи само 9 калории.

4. Алги

Постојат многу видови алги кои се користат во исхраната, како што е нори, кој се користи за суши. Алгите содржат минерали како калциум, железо, магнезиум и манган, а се одличен извор на јод, неопходен за тироидните хормони. Некои истражувања покажуваат дека полисахаридите во алгите имаат антиоксидантни својства и помагаат во заштита од оксидативен стрес.

5. Лук

Лукот е богат со хранливи материи и биоактивни соединенија со докажани здравствени придобивки. Содржи витамин Ц, Б1, Б6, калциум, калиум, бакар, манган, селен и алицин – сулфурно соединение. Некои истражувања сугерираат дека алицинот го намалува ризикот од срцеви заболувања со регулирање на крвниот притисок и холестеролот.

6. Морски плодови

Школки, остриги, шиди и други морски плодови се богати со витамин Б12 и цинк. Тие се добар извор на витамин Б12, витамин Ц, калиум, селен и железо. Важно е да набавувате морска храна од безбедни и одржливи извори.

7. Компири

Компирите содржат калиум, магнезиум, железо, бакар и манган, како и витамин Ц и Б-комплекс. Ако се јадат со кората, обезбедуваат добар извор на влакна. Компирите се заситувачки и содржат отпорен скроб, што помага во регулирањето на телесната тежина.

8. Црн дроб

Животинскиот црн дроб е еден од најхранливите извори на витамин Б12, витамини Б5, Б6, ниацин, фолна киселина, Б2, витамин А, бакар, железо, фосфор, цинк и селен. Јадењето црн дроб еднаш неделно е одличен начин да се внесат овие хранливи материи.

9. Бобинки

Бобинките, особено боровинките, се богати со антиоксиданtи како антоцијани, кои можат да ја подобрат когнитивната функција и расположението, како и да ја подобрат циркулацијата.

10. Јајца

Целите јајца се извонредно хранливи, содржат висококвалитетни протеини, здрави масти и витамини. Жолчките се богати со холин, лутеин и зеаксантин, кои го штитат видот. Јајцата се евтини, вкусни и лесни за подготовка.

11. Горчлива диња

Momordica charantia, позната и како горчлива диња, е зеленчук во облик на краставица со антиоксидантни својства.

Истражувањата покажуваат дека хранливите материи што ги содржи:

– помагаат во регулирањето со нивото на шеќер во крвта кај луѓето со дијабетес
– го заштитуваат мозокот и ја подобруваат меморијата кај луѓето со Алцхајмерова болест
– имаат антиканцерогени својства

12. Какао и темно чоколадо

Какаото содржи железо, магнезиум, бакар, манган и антиоксиданси. Темното чоколадо со висока содржина на какао (70-85 отсто) може да го намали ризикот од висок крвен притисок и срцеви заболувања, но треба да се консумира во умерени количини.

Овие намирници се исклучително хранливи и нивното вклучување во секојдневната исхрана може значително да го подобри целокупното здравје.