Кардиоваскуларните болести се водечка причина за смртност во светот, поради што е исклучително важно да се грижиме за здравјето на срцето доколку сакаме долг и квалитетен живот.

Иако здравјето на срцето е под влијание на голем број фактори, исхраната игра исклучително голема улога. Постојат многу вкусни и здрави намирници кои можат да му помогнат на срцето, но има и такви кои можат да го зголемат ризикот од затнати артерии и развој на болести.

Во едно неодамнешно видео, познатиот лекар Алан Мендел издвои три замрзнати намирници кои се особено штетни за срцето.

1. Замрзнато пржено пилешко

Д-р Мендел истакнува дека ова е една од најлошите опции, иако e вкусно, истакнува тој.

„Замрзнатото пржено пилешко има тенденција да содржи трансмасти, заситени масти и натриум. Овие нездрави масти го зголемуваат нивото „лошиот“ холестерол. Ова го предизвикува формирањето на наслаги во артериите“, објаснува тој, што го зголемува ризикот од срцеви заболувања, срцев удар и мозочен удар.

Освен тоа, пржењето во фритеза и додавањето на конзерванси дополнително го влошуваат неговото штетно дејство. Подобра алтернатива е свежото месо, како што се печените пилешки гради.

2. Замрзната пица

Иако можеби е примамлива, замрзнатата пица не е пријател на срцето.

„Повеќето замрзнати пици, не сите, но повеќето, се богати со заситени масти, трансмасти и натриум“, вели д-р Мендел. Комбинацијата од месни производи, сирење и тесто резултира со оброк богат со калории и сол.

Редовното консумирање може да го зголеми крвниот притисок и нивото на холестерол, кои се главни фактори на ризик за кардиоваскуларни болести.

„Редовното консумирање на такви производи сигурно ќе има негативно влијание врз здравјето на срцето“, вели тој.

3. Замрзнати пити

Конечно, замрзнатите пити со филови сè уште еден високо преработен производ што треба да го избегнувате, особено ако сакате здраво срце.

„Милиони луѓе ги јадат овие производи. Тие обично се богати со нездрави масти, калории и натриум“, предупредува д-р Мендел. Зад крцкавата кора стојат хидрогенизирани масти кои содржат трансмасти, а филовите често вклучуваат преработено месо и сосови со висока содржина на заситени масти и сол. Сето ова го прави овој популарен оброк лош избор за срцето и општото здравје.