Собните растенија го претвораат секој агол од домот во оаза на зеленило и мир. Сепак, колку и да ја сакаме убавината и чувството на спокојство што ни го даваат растенијата, многумина од нас одлучуваат да ги нема во својот дом затоа што еднаш или неколку пати ни се случило да овенат поради несоодветна грижа.

Кое е најлошото место за собни растенија?

Дали некогаш сте се запрашале дали истата положба одговара на секое растение што го внесувате во станот? На пример, најчесто место е покрај прозорец. Но, покрај вашиот несомнено прекрасен поглед на прозорецот, вашето растение можеби нема да се чувствува исто. Имено, не сите растенија имаат исти потреби, па на некои им пречи кога се изложени на сончевите зраци подолг период од денот.

Растенија кои не сакаат директно изложување на сонце

Темјанишки и лилјани се едни од  растенијата кои можат да страдаат од премногу сонце, да им изгорат лисјата и да остават црни ленти на листовите. Други вообичаени растенија кои нема да напредуваат кога се изложени на директна сончева светлина се бршлен, папрати и бегонии.

Кактуси и сукуленти

Ако сепак сакате да го збогатите вашиот прозорец со растенија, важно е внимателно да ги изберете видовите што ќе напредуваат на оваа локација. Исто така, важно е на која страна од светот гледа прозорецот. Имено, повеќе растенија ја претпочитаат северната страна отколку западната или јужната. Алое вера, кактуси и сукуленти совршено ќе се вклопат на сончевата страна на прозорецот. Ако барате цветно растение, тогаш мускатите и бугенвилите се одличен избор бидејќи го сакаат и трпат сонцето.

Температурни флуктуации

Исто така, за успешен раст на растенијата, важно е да се забележат температурните флуктуации кои можат да настанат кога растението е покрај прозорецот – од сув воздух и студ до топло во текот на денот. Доколку забележите дека растението не реагира добро во положбата каде што сте го поставиле, не двоумете се да го преместите на друго место во вашиот дом.