Избрана е највозбудливата сцена од филмот „Малечка“ (Babygirl) во кој Никол Кидман и Харис Дикинсон ги играат главните улоги. Познатата актерка вели дека улогата на Рома е најголемиот предизвик во нејзината кариера.

Никол ја игра шефицата Рома која е во брак, а улогата на нејзин сопруг ја има актерот Антонио Бандерас. Во флмот таа се впушта во афера со младиот практикант, Семјуел, кој го игра Харис Дикинсон.

Во филмот често се појавува млеко, па можете да ја видите Никол Кидман како заводливо го пие овој пијалак додека го гледа својот љубовник. Пред тоа келнерот ѝ подаде чаша млеко и таа сфати дека Самуел ѝго нарачал.  Тој ја натера да го испие додека внимателно ја набљудуваше.

Потоа се прикажува како тие го напуштаат барот, а Семјуел и шепоти: „Добро девојче“, а потоа следува нешто неверојатно.

„Никол Кидман за Хитс радио, открила дека морала да испие околу 16 чаши додека ја снимала сцената.

Директорката Халина Рејн (49) изјавила дека средбата во кафеаната била инспирирана од вистински настан. Кога имала триесет години, белгиски актер, ѝ испратил чаша млеко во кафуле.

Инаку, филмот е инспириран и од култниот филм Основен инстинкт, а Кидман претходно изјави во шоуто на Греам Нортон: „Она што ме привлече кон филмот е тоа што имаше женски глас. Многу од филмовите од овој жанр што ги гледавме во 90-тите беа засновани на машката перспектива, но ова е „искривено“ и раскажано низ женската перспектива“.