Свеченото отворање на Параолимписките игри (28 август – 8 септември) ќе се одржи денеска во Париз, Франција, на кое ќе учествуваат 4.400 спортисти и 182 делегации.

Церемонијата ќе се одржи надвор од стадионот, на плоштадот Конкорд и на авенијата Шанзелизе, во кореографија на Швеѓанецот Александар Екман, додека уметнички директор е Томас Жоли кој рече дека церемонијата е наречена „Парадокс“.

– Поставувањето на градот како амбиент за оваа церемонија е веќе парадокс бидејќи градот не е целосно прилагоден за лицата со посебни потребиж – се зборовите на Жоли.

The wait is over!

The 2024 Paralympic Games open today ?

— Paralympic Games (@Paralympics) August 28, 2024

Церемонијата, која започнува во 20 часот, ќе трае околу три часа, пред околу 50.000 посетители со дефиле на спортски делегации по познатата париска авенија.

Францускиот министер за внатрешни работи Жералд Дарманин неодамна изјави дека до 25.000 полицајци и жандарми и 10.000 приватни агенти за обезбедување ќе бидат распоредени за време на Параолимписките игри, кои за првпат ќе се одржат во Париз.

Претседателката Сиљановска Давкова го предаде државното знаме на македонската параолимпијка Наковска Бикова во пресрет на параолимпијадата во Париз

Оливера Наковска-Бикова ќе биде единствената македонска спортистка која ќе ја претставува нашата земја на Параолимписките игри во Париз.

Наковска-Бикова имаше успешни подготовки, а според најавите во Париз ќе настапи во три стрелачки дисциплини на 31 август, 2 и 4 септември.

Потсетување дека 49-годишната параолимпијка од Битола го освои златниот медал во дисциплината 10 метри воздушен пиштол на Параолимпикиските игри во Лондон 2012.