Поранешниот сопруг на пејачката Кели Кларксон, менаџерот за таленти Брендон Блексток, неодамна почина на 49-годишна возраст. Според најновите информации – тој починал „од природна смрт поради компликации предизвикани од меланом“.

Ова го потврди за јавноста мртовечникот од округот Силвер Боу, Ден Холис, во разговор за „Е!Њуз“ (E!News).

Од друга страна, претставникот на Брендон ја објави тажната вест на 7 август, истакнувајќи дека тој „со години се борел со неодредена форма на рак“.

„Брендон Блексток почина мирно, во својот дом и опкружен со своето семејство“, нагласи Холис.

Да потсетиме, помалку од 24 часа пред објавувањето на веста за неговата смрт, Кели – која го финализираше разводот со Брендон во 2022 година – откри дека нејзиниот поранешен партнер е болен, па го објави одложувањето на августовските настапи во нејзината резиденција во Лас Вегас.

Почина поранешниот сопруг на Кели Кларксон на 48 години, ја изгуби битката со ракот