Кристина Сандера, долгогодишната партнерката на холивудскиот актер Клинт Иствуд, почина на 61-годишна возраст.

Веста за нејзината смрт ја потврди актерот, но немаше дополнителни информации за нејзината смрт.

Како што пишува „Њујорк пост“, Сандера починала од срцев удар. Срцевата аритмија се наведува како непосредна причина за смртта, а атеросклеротичната кардиоваскуларна болест е наведена како дополнителна состојба што довела до нејзината смрт.

Да потсетиме, двојката наводно се запознала додека таа работела како водителка во хотелот „Мишн ранч“ на Иствуд и почнале да се забавуваат во 2014 година. Тие не сакаа да зборуваат за нивната врска, но Сандера во неколку наврати беше придружничка на Клинт на јавни настани. Таа дебитираше со ѕвездата на црвениот тепих на Оскарите во 2015 година.

На 61 година: Почина Кристина Сандера, долгогодишната партнерка на Клинт Иствуд