Месеци по смртта на хип-хоп иконата „DMX“ на 9 април, е откриена официјалната причина за неговата смрт. Раперот починал на 50 годишна возраст од срцев удар предизвикан од кокаин, кој го прекинал протокот на крв во мозокот.

„Срцевиот удар траеше одреден временски период, така што немаше циркулација во мозокот“, рекол извор кој учествувал во обдукцијата, за „Vulture“. Смртоносната серија настани била предизвикана од акутна интоксикација со кокаин, додал изворот.

 

View this post on Instagram

 

A post shared by DMX (@dmx)

„Неговата смрт буквално се случи веднаш затоа што мозокот беше мртов“, рекол изворот. „Значи, очигледно, имаше неколку денови кога тој беше на вентилаторна поддршка. Сепак, рано му беше дијагностицирана мозочна смрт. Никогаш не се разбуди од кома“.

Наскоро откако легендарниот рапер бил хоспитализиран на 2 април, неговото семејство открило дека тој бил во „вегетативна состојба“ по срцев удар предизвикан од предозирање со лекови.

„Бараме да нè чувате Ерл/„DMX“ и нас во вашите мисли, желби и молитви. Како и да ја почитувате нашата приватност додека се соочуваме со овие предизвици“, напишало во тоа време семејството на раперот (роден Ерл Симонс) . „Ерл беше воин кој се бореше до самиот крај“.

 

View this post on Instagram

 

A post shared by DMX (@dmx)

Фановите се собрале околу болницата „White Plains“ во Вестчестер, каде раперот бил хоспитализиран и одржале молитвени бденија за закрепнување. Наскоро било објавено дека „DMX“ е во тешка состојба.

На денот кога починал, раперот објавил постхумна песна. „Правам потези за да ме доведат таму каде што одам“, изјавува тој на почетокот на неговата неофицијална „лебедова посла“, „X Moves“.