Српскиот фолк пејач Аца Лукас пред три дена итно беше примен во Ургентниот центар. Како што пишуваат српските медиуми, Аца во понеделникот поради зголемена телесна температура бил однесен на Итна помош и бил задржан на испитувања. Лукас сакал да ја избегне болницата, но изгледал многу слабо.

Лукас долго време се чувствувал изнемоштено, па неговото раководство ги откажало сите настапи.

Фолкерот имал температура од 40 степени и покачено ЦРП, односно протеин во крвта што се зголемува кога во телото е присутен акутен воспалителен процес. По прегледот, Лукас го напуштил Ургентниот центар.

Меѓутоа, неговата здравствена состојба сè уште не е подобрена, па морал да ги откаже сите претстојни концерти.

Имено, фолкерот вчера имал закажан настап во клуб во Црна Гора, а истиот бил откажан поради лошата здравствената состојба.

– Ве известуваме дека концертот на Аца Лукас, кој беше закажан за 31.07.2024 г. е откажан поради здравствени причини на изведувачот. Одлуката за откажување не е донесена лесно, но приоритет е безбедноста и благосостојбата на пејачот – се вели во соопштението на клубот.

Поради неговата здравствена состојба, неговото раководство ги откажало сите планирани настапи, а потоа преку социјалните мрежи откриле што ја предизвикало неговата состојба.

– Во следните денови ќе бидат откажани или одложени концерти поради здравствената состојба на Лукас. Сите со нетрпение го очекуваме неговото брзо закрепнување и продолжувањето на турнејата. За да не се шпекулира, станува збор за висока температура предизвикана од силна настинка, бидејќи Аца во претходните 60 дена имаше над 30 настапи и му падна имунитетот – напиша на својот инстаграм-профил Саша Мирковиќ, кој е воедно и менаџер на Лукас.

Аца Лукас уапсен доцна синоќа

По итното хоспитализирање, Аца Лукас го напушти Ургентниот центар: Откриено какви здравствени проблеми има фолкерот