Советникот во Град Скопје, Никола Пановски, во гостување во емисијата „Аргумент плус“ на ТВ „24“ рече дека по заминувањето на претседателот на Советот на Градот, Трајко Славески, на позицијата гувернер на Народната банка, институцијата е во вакуум.

Според него, треба двете најголеми коалиции да седнат и да предложат кандидат за да продолжи работата на Советот.

„Прашање е дали ќе има седници, по заминувањето на претседателот има вакуум и најдобро би било да нема совет 3 месеци бидејќи голем дел од одлуките се повторуваа и по 30 пати, и за еко автобусите беше така, се враќаа на галсање и добиваа по 11 до 13 гласови. Нема клучни одлуки што мора сега да се донесат и ќе има многу работи кои ќе треба да ги наследи новата гарнитура. Годишни плаови за вработувања, извештаи за училишта итн. Сепак ќе се најде начин да се одржат, ако нема седници нема паушал. Ако нема седница редовна во јуни, јули, август и септеври, советниците ќе останат без надоместок. Тој надоместок е зависен од седниците. Сега би требало двете најголеми коалиции да седнат и да се искоридинираат да се предложи човек и потоа на следната седница да почне со таа точка. За да се закаже седница треба 7 дена претходно“, рече Пановски.