Фото: МЗТ Скопје Аеродром

Осум желби во Битола: Почнува битката за пехарот во кошаркарскиот Куп на Македонија

Во наредните три дена во Битола, ќе го добиеме новиот освојувач на кошаркарскиот Куп на Македонија. Без многу измени, со само една нова „непозната“ во однос на лани, денеска ќе стартува 32 по ред издание на националниот Куп, „Благоја Георгиевски-Буштур“.

Системот за натпреварување останува истиот, осумте најдобропласирани екипи во регуларниот дел од Првата лига, обезбедија место, односно пат до „градот на конзулите“, КК „Пелистер“ ја доби довербата да биде организатор на завршниот турнир, кој ќе се игра од 15 до 17 февруари, во салата „Боро Чурлевски“.

Токму пласманот по 11 одиграни кола, ги формираше четирите натпреварувачки двојки во четвртфиналето. Одбраната на титулата освоена лани на турнирот во СЦ „Кале“, екипата на МЗТ Скопје Аеродром ќе ја започне против Гостивар во натпреварот од 12.00 часот, со кој и ќе биде отворен турнирот.

Нешто подоцна, единствениот дебитант во ова друштво, екипата на Чаир 2030 ќе се обиде да излезе како победник во мечот со кавадаречки Еуро Никел 2005.

Од 17.00 часот, на програмата е дуелот на соседите од „Кале“, екипите на Работнички и на ТФТ Моцарт, додека пак домаќинот на овој собир, екипата на Пелистер, од 19.30 часот, за место во полуфиналето ќе се бори со Феникс 2010.

Куп на Македонија 2024

12.00 часот МЗТ Скопје Аеродром – Гостивар
14.30 часот Еуро Никел 2005 – Чаир 2030
17.30 часот Работнички – ТФТ Моцарт
19.30 часот Пелистер – Феникс 2010

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот