Откако се појави веста дека 12 екипи од Англија, Шпанија и Италија одлучија да формираат европска Суперлига, се оогласи и европската фудбалска федерација (УЕФА).

УЕФА објави соопштение кое е потпишано и од фудбалските федерации на Англија, Шпанија и Италија и во него порачуваат дека сите тие имаат заеднички став за сите кое ќе се придружат на „циничниот проект“ ќе бидат исфрлени од натпреварувањата под капата на УЕФА. Исто така, се наведува дека на фудбалерите кои ќе играат во евентуалната Суперлига, ќе им биде забрането да играат за своите репрезентации.

„Доколку се случи ова, сакаме да повториме дека ќе останеме единствени во нашите напори да го запреме овој циничен проект кој е заснован на личните интереси на неколку клубови и тоа во моменти која ја целата заедница и е потребна солидарност. Ќе ги разгледаме сите мерки кои ни се на располагање и тоа на сите нивоа, како судски така и спортски за да спречиме да се случи вакво нешто. Фудбалот се заснова на отворени натпреварувања и спортски заслуги и не може да биде поинаку.
Како што и претходно најавија ФИФА и шест федерации, на дотичните клубови ќе им биде забрането да играат на на домашно, европско или светско ниво, а на нивните играчи може да им биде ускратена можноста да играат за своите репрезентации.
Им се заблагодаруваме на оние клубови во другите држави, посебно на француските и германските клубови кој одбија да учествуваат во ова. Ги повикуваме сите фанови на фудбалот, како и политичарите да ни се приклучат во борбата против овој проект. Овој личен интерес на неколкумина трае предолго. Што е доста, доста е“, порача УЕФА. 

Богатите бегаат од УЕФА, 12 клубови се согласија да формираат Суперлига