Канцеларијата за контрола на странски средства на Министерството за финансии на САД денеска го стави македонскиот бизнисмен Орце Камчев на својата црна листа.

-Г. Камчев ја злоупотребил својата позиција, впуштајќи се во коруптивни активности и спроведувајќи агенда за своја корист, а на сметка на демократските институции и граѓаните на Северна Македонија, рече потсекретарот на Министерството за финансии за тероризам и финансиско разузнавање Брајан Е. Нелсон.

Како што стои во соопштението од министерството за финансии на САД, бизнисменот Камчев интензивно се вклучил во корупција, вклучително и злоупотреба на службената положба, перење пари и други прекршоци повеќе од една деценија, почнувајќи од раните 2000-ти.

Американската амбасада во Скопје закажа пресконференција за утре во 13 часот.