Откако бизнисменот Јордан Камчев, кој е обвинет во случајот „Плацеви на Водно”, попладнево во 16.40 часот излезе од притвор од Истражниот затвор Скопје – Шутка има обврска редовно да се пријавува во судот.

Имено, тој е ослободен од притвор откако вчера Кривичниот совет на Апелацискиот суд одлучи да ја прифати гаранцијата за Камчев од скоро 11 милиони евра, но неговите патни исправи остануваат во судот, каде ќе треба редовно да се пријавува.

Камчев ден пред Нова година од затворот во Шутка итно беше префрлен на лекување во болницата „Систина” и таму ја помина новогодишната ноќ.

Бизнисменот беше во притвор од март 2021 година, кога беше приведен под сомнение дека се подготвува за бегство, откако десетина денови пред тоа, осомничениот Мијалков за истиот случај „Плацеви на Водно“ побегна, па се врати да го подигне решението за куќен притвор до изрекување на пресудата за случајот „Таргет – Тврдина“ кое беше закажано за 26 февруари 2021 година.