Унгарскиот премиер Виктор Орбан денес изјави дека верува оти на крајот од војната Украина де факто ќе биде поделена меѓу Русија и Западот.

„Украина ќе биде поделена меѓу Русија и Западот, а ова е реалност што сите сега ја прифаќаат“, рече Орбан на собир на владејачката партија Фидес, објави унгарскиот новинар Чаба Тот на социјалната мрежа X, пренесува Спутник.

Според Орбан, Украина ќе биде поделена на руски, западни и демилитаризирани зони.

Како што изјави тој, лидерите на ЕУ треба да одат во Москва и да склучат безбедносен договор со Русија, кој ќе предвидува дека Украина нема да стане членка на ЕУ и НАТО.

„Во суштина, Европа не треба да чука на вратата на Вашингтон, туку треба да оди во Москва и да склучи договор за безбедноста не само на Украина, туку и безбедносен договор меѓу ЕУ и Русија. Таму очигледно ќе биде наведено дека Украина нема да биде членка ниту на НАТО ниту на Европската Унија, но може да биде вклучена, и мислам дека Унгарија би можела да го поддржи, и договор за стратешка соработка меѓу Украина и Европската Унија“, рече Орбан.