Унгарскиот премиер Виктор Орбан денес му порача на украинскиот претседател Володимир Зеленски да „престане да ја малтретира“ Будимпешта, дополнително ескалирајќи го конфликтот меѓу двете земји.

„Унгарија е членка на НАТО и ЕУ, а Украина одамна ќе се распаднеше без поддршката на тие две организации. Претседателе Зеленски, со сето должно почитување, престанете да нè малтретирате“, напиша Орбан на социјалната мрежа X.

Hungary is a member of NATO and the EU. Ukraine would have collapsed long ago without the support of these two organisations. President @ZelenskyyUa , with all due respect, stop harassing us!

— Orbán Viktor (@PM_ViktorOrban) September 27, 2025

Со тоа, тој дополнително ги влоши односите меѓу Будимпешта и Киев, кој ја обвини Унгарија за испраќање извидувачки беспилотни летала на украинска територија.

Во петокот, Зеленски објави дека извидувачки беспилотни летала го нарушиле украинскиот воздушен простор и веројатно ѝ припаѓаат на Унгарија, по што унгарскиот министер за надворешни работи, Петер Сијарто, напиша на Фејсбук дека „Зеленски почнува да полудува поради неговиот антиунгарски став“ и дека „гледа духови“.

Спорот продолжи и денес кога украинскиот министер за надворешни работи Андриј Сибиха објави мапа на социјалната мрежа X на која, како што тврди, се гледа траекторијата на беспилотно летало од Унгарија кое влегува во украинскиот воздушен простор.

For the blind Hungarian officials. Exact route of yesterday’s drone incursion from Hungary into Ukrainian air space. Our Armed Forces have gathered all of the necessary evidence, and we are still waiting for Hungary to explain what this object did in our airspace. pic.twitter.com/TsjdNPvC7y

— Andrii Sybiha 🇺🇦 (@andrii_sybiha) September 27, 2025

Сијарто одговори, велејќи дека тоа е „лажно“ прикажување.

„Ова е лажно! Не треба да се дискредитирате“, напиша Сијарто на социјалната мрежа Х.