Советот на Општина Тетово минатиот месец донесе одлука познатиот светски писател Исмаил Кадаре да биде почесен граѓанин на Тетово. Денеска во Тетово лично писателот Кадаре на свеченост го прими признанието.

Писателот кој има напишани голем број дела преведени на повеќе јазици, меѓу кои и на Македонски, вели дека прв пат е во Тетово, но градот го чуствува како свој.

„Малку ми е тешко да зборувам пред оваа публика во Тетово. Досега сум добивал повеќе признанија , ама ова признание е многу посебно, оти го добивам од Тетово. Добро ми е што слушам добри зборови од читателите на Тетово. За моите дела имам слушнато многу зборови од тетовци, а сега имам прилика да се сретнам со нив. Значи прв пат доаѓам во Тетово, но секогаш го чуствував градот во себе. Верувам дека и понатаму ќе комуницираме преку моите дела и преку зборовите кои ќе ги упатувате кон мене“ изјави Исмаил Кадаре.

Во месец јули годинава, лично градочалникот на Општина Тетово Биљал Касами, го прогласи за почесен граѓанин Рифат Јашани, братот на Адем Јашари од Косово, еден од основачите на УЧК. Одлуката како што посочи тогаш Касами ја донел лично тој, оти бил распуштен советот,а титулата почесен граѓанин му била доделена, затоа што тоа било барање на голем број граѓани од Тетово од албанска националност, кои имале многу блиски врски со Косово.

Денеска на свечената церемонија, претседателот на Советот на Општина Тетово Бесарт Дурмиши, вели дека одлуката писателот да го добие признанието не е базирана на етничка линија.

„Тој и самиот пишувал книги не застапувајќи етникум.Го прогласивме Исмаил Кадаре како почесен граѓанин на свечен начин, откако претходно советниците на Седница на совет гласаа за оваа одлука. Многу сум горд што сите советници во општината без поделба на позиција, опозиција и етничка припадност, гласаа за овој писател.Се работи за светски признат писател, има напишано книги на многу јазици, нас ни е чест да имаме почесен граѓанин како Исмаил Кадаре. Затоа во иднина ќе гледаме да прогласиме уште една ваква личност за почесен граѓанин на Општина Тетово да биде од нашиот град, без разлика на која етничка припадност припаѓа или партија, рече Дурмиши

Касами: Празник за Тетово – Рифат Јашари, братот на Адем Јашари од Косово стана почесен граѓанин