Американската водителка Опра Винфри (70) беше хоспитализирана вчера, а сега е откриено дека станувало збор за стомачен вирус. Во моментов, таа се опоравува во домашни услови.

„Винфри се опоравува од стомачниот вирус и доби интравенска инјекција за дехидрација по препорака на нејзиниот лекар. Таа се одмара и се чувствува подобро секој ден“, изјави претставникот на Винфри за „Си-ен-ен“.

Новинарката Гејл Кинг, инаку пријателка на Винфри, беше на видеоповик со неа, па го сподели разговорот на Инстаграм.

Во видеото Винфри откри дека е хоспитализирана бидејќи не можела да задржи доволно вода во телото поради вирус. Таа исто така откри дека не е единствената во семејството што го имала овој вирус.

„Мијте ги рацете, ми рекоа дека се шири со допир. Инфекцијата живее на кваките, оградите и до 10 часа, ако ја допрете таа површина по заразено лице, ќе ја добиете и вие“, посоветува Винфри.

Опра Винфри е итно хоспитализирана: Водителката призна дека пие Оземпик пред неколку месеци