Американската водителка Опра Винфри (70) била итно хоспитализирана поради тешки стомачни проблеми само неколку месеци откако призна дека користи Оземпик за слабеење, пишува „Дејли мејл“.

Ова го откри нејзината најдобра пријателка Гејл Кинг (69), која вели дека надева оти Винфри нема да биде вознемирена од нејзината недискреција.

„Таа е дехидрирана, имаше интравенска инјекција, тоа е многу сериозна работа“, раскажа Кинг, а пренесе „Дејли мејл“.

Винфри, чија тежина варираше со текот на годините, неодамна стана дел од насловните страници на светските медиуми поради нејзиниот документарен филм за луѓето кои користат апчиња за слабеење.

„Тоа е многу лична тема за мене и за стотиците милиони луѓе ширум светот кои се борат со тежината и дебелината“, рече тогаш таа.

Низ годините, Винфри не ги штедеше своите фанови за деталите за нејзиното слабеење. Минатата година, почнаа да се шират гласини дека земала Оземпик, лек за дијабетес, кој оттогаш стана холивудски хит меѓу оние кои се обидуваат да ослабат.

Како што се зголемуваа шпекулациите, Винфри во декември призна дека се откажала и почнала да го користи споменатиот лек за да изгуби килограми и да ја постигне посакуваната фигура.