Чешкиот тенисер Јиржи Лехечка го освои АТП турнирот во Бризбејн, Австралија, откако Американецот Рајли Опелка се предаде на финалниот меч при резултат 4:1 во првиот сет поради повреда на грбот.

Лехечка водеше со 4:1 во првиот сет, а потоа Опелка реши да се откаже од мечот поради повреда на грбот.

– Тоа беше одлична недела за мене во Бризбејн. Едноставно сакам да играм овде во Австралија. Сакам да им се заблагодарам на навивачите, како и на мојот тим – изјави Лехечка.

Чешкиот тенисер е на 28. место на АТП листата, додека Опелка е 293. тенисер во светот.

Лехечка со триумфот во Бризбејн стигна до вториот АТП трофеј во кариерата. АТП турнирот во Бризбејн се играше за награден фонд од 766.290 долари.