Првата дама на Украина ги повика светските лидери да помогнат да се вратат украинските деца насилно однесени во Русија, каде што таа рече дека се индоктринирани и лишени од нивниот национален идентитет, пренесува АФП.

Зборувајќи на маргините на Генералното собрание на Обединетите нации, Олена Зеленска рече дека повеќе од 19.000 украински деца се префрлени на сила или депортирани во Русија или окупирани територии.

Досега се вратени само 386.

„Во Русија им е кажано дека на нивните родители не им требаат, дека на нивната земја не и требаат, дека никој не ги чека. На киднапираните деца им беше кажано дека тие повеќе не се украински деца, дека се руски деца“, рече Зеленска.