Претседателот на Франција Емануел Макрон треба да го заврши вториот мандат како претседател за да се избегне поголема институционална криза, смета поранешниот претседател на Франција Франсоа Оланд. Тој во интервју за „Вест Франс“ нагласи дека, без оглед на критиките упатени кон Макрон, тој беше реизбран на изборите пред три години и треба да го доврши мандатот. Во спротивно, Франција би се соочила со сериозна институционална криза.

Според Оланд распуштањето на парламентот по шест месеци не би довело до значајни промени во составот на Долниот дом. Тој повика на „смирена парламентарна демократија“ и изрази желба за обновување на Социјалистичката партија како независен политички субјект, кој ќе биде отворен за социјалдемократи. Оланд повика на одржување партиски конгрес пред летото за утврдување на стратегијата за претседателските избори во 2027 година.