Кошаркарите на Оклахома Сити Тандер дојдоа до водство од 1:0 во серијата од финалето на Западната конференција по победата против Минесота Тимбервулвс (114:88).

Прв стрелец во триумфот на Оклахома беше Шеј Гилџес-Александер со 31 поен, запишувајќи и девет асистенции.

За Гилџес-Александер тоа беше четврти натпревар по ред со 30 или повеќе поени и осми таков настап во 12 натпревари од овој плејоф. Иако погоди само 10 од 27 шутеви од поле и ги промаши сите четири тројки, тој се истакна од линијата за слободни фрлања, погодувајќи 11 од 14 обиди.

Џулиус Рендл ги предводеше гостите со 28 поени, додека Ентони Едвардс заврши со 18 поени и девет скокови.

Вториот натпревар во „Пејком Центарот“ во Оклахома Сити е закажан за ноќта од четврток кон петок, по средноевропско време (02.30 часот).