Ракометарите на Еурофарм Пелистер утре (18.45 часот) ги продолжуваат настапите во Лигата на Европа.

Битолчани во рамки на четвртото коло во групата Д во салата „Боро Чурлевски“ го пречекуваат унгарскиот тим Татабања против кого ќе се обидат да дојдат до втората победа. Досегашниот скор на ракометарите на Е. Пелистер е по една победа, реми и пораз, а крилото Гоце Ојлевски нов триумф на неговиот тим.

– Добро се познаваме со Татабања, минатата сезона одигравме неколку натпревари. Со доаѓањето на Ѓукиќ во тимот владее позитивна енергија, играат подобро од претходните и тоа е голем плус за нив. Убаво е кога се победува, особено на гостински терен. Нашата форма оди во нагорна линија, одлично се подготвуваме, играме добро и нема зошто да не веруваме дека ќе победиме на овој меч. Свесни сме дека нè очекува тврд и тежок натпревар, против цврста екипа со добри голмани, но пак ќе речам сите веруваме во победа – смета Ојлески.