Пред неколку дена беше ограбена родната куќа на фолк-пејачите Тома и Новица Здравковиќ во селото Печењевце, близу Лесковац.

Како што пренесуваат српските медиуми, за време на новогодишната ноќ непознати лица ја откорнале влезната капија, која потоа ја фрлиле во кал. Вандалите го оштетиле хидрофорот на бунарот, како и влезната врата од куќата, но не се знае што е одземено од куќата.

Инаку, минатата година започна реновирањето на куќата на Тома, но работата беше прекината. Сепак, мештаните се надеваат дека сè ќе биде готово до крајот на тековната година, бидејќи тоа е вистинска атракција за споменатото село.

Да потсетиме, споменикот на Тома Здравковиќ беше откриен во октомври во центарот на Белград, во Скадарлија. На откривањето на споменикот присуствуваа сопругата на пејачот Гордана и ќерката Жаклина.

ФОТО | Единствени фотографии од свадбата на Тома Здравковиќ со втората сопруга! Вака изгледаше Милица која му го скрши срцето