Серија А информираше дека возбудувањата во најсилното италијанско првенство ќе се вратат за еден месец.

По бараните измени во медицинскиот протокол – кои продолжуваат да предизвикуваат контроверзии меѓу клубовите и пред сè на главните медицински лица – „зелено светло“ е дадено да се продолжи со групни тренинзи од понеделник, 18 мај.

Играчите ќе имаат повеќе од три недели да се подготвуваат за следните натпревари сезонава.

Како што е веќе познато, доколку само еден фудбалер биде позитивен на коронавирус, сите играчи ќе мора 15 дена да бидат во карантин.

Серија А ќе му пристапи на овој проблем поинаку, за разлика од Бундеслигата, која во случај на заразен фудбалер ќе го изолира само него.

Воедно клупските медицински лица не сакаат да се сметаат за одговорни доколку играч биде заразен.