Бешикташ го потврди трансферот на Тами Ејбрахам (27), кој пристигна во Истанбул во вторник за да го финализира договорот со турскиот фудбалски клуб.

Англискиот напаѓач доаѓа од Рома како позајмен играч, а договорот вклучува задолжителна откупна клаузула по исполнување на одредени услови.

Интересно е што турскиот клуб ја откри целосната финансиска рамка на трансферот. Бешикташ ќе ѝ плати на Рома два милиони евра за привременото потпишување на играчот, а потоа ќе мора да плати уште 13 милиони евра доколку се активира откупната клаузула. Износот може да се одложи до 2030 година.

Во својата прва сезона во Истанбул, Ејбрахам ќе добива плата од шест милиони евра годишно. Доколку остане во тимот подолг период, нов договор ќе стапи на сила до 2029 година. Во овој случај, неговата плата ќе се зголеми на 6,5 милиони евра, односно на седум милиони во последната година од договорот.

Поранешниот играч на Челси има вкупно 120 настапи за Рома, постигнато 37 голови и 13 асистенции. Минатата сезона беше на позајмица во Милан, каде во 44 натпревари, реализираше 10 голови и беше асистент на седум погодоци. Во турскиот гигант, Ејбрахам ќе го заземе местото на Чиро Имобиле, кој неодамна го раскина договорот со клубот. Според најавите Имобиле од следната сезона ќе игра за Болоња.

It’s Tammy o’clock! 🏴󠁧󠁢󠁥󠁮󠁧󠁿
Welcome to Beşiktaş, Tammy Abraham! 🦅#LetTheGameBegin | #ThisIsBeşiktaş pic.twitter.com/IFXw5CAlcP

— The Black Eagles (@BesiktasEnglish) July 3, 2025